Guwahati, July 14, 2026: Ekta char sal bacha mure she, ekta talap te dubea piche, Assam laga Nagaon district te, police khan etu mamla te investigation shuru kure she.
Local manu khan para koi she ki, ekta maiki, kun laga nam Mashakin Khatun ase, tai para bacha ke talap te pekhai she koi she.
Bacha toh pani te mure kena pai she koi she. Etu piche te, bosti manu khan para maiki ke ghor betor te dure kena thake she, aro police khan ke khobor de she.
Juria Police khan laga ekta team jai she, aro etu maiki ke geraftar kure she, aro bacha laga body toh Nagaon te loi jai she, post mortem examination kure bole karne.
Police khan para ekta case register kure de she, aro investigation shuru kure she, etu mamla laga thik kina hoi she jane bole.
