August 10, 2026, 4:53 PM: Itu Nagaland laga Governor – Nand Kishore Yadav para ekta review meeting loishey, itu State Taxes laga Department logotey, Kohima, Lok Bhavan tey, 10th August, 2026 tey. Itu Department para ekta detail para presentation banaishey, tai khan laga organizational structure, revenue performance, initiative khan, achievement khan, challenge khan aru future roadmap opor tey.
Itu Department para inform kurishey ki, tai khan logtey itya 11,592 active registered taxpayer khan thaki kena asey, itu charta zone khan tey – Dimapur, Kohima, Mokokchung aru Chumoukedima. Tai khan laga core activity khan tey registration, thik homoi tey file kuria aru thik thak laga tax khan payment kuria, returns, audit, enforcement, adjudication aru recovery laga scrutiny, appeal khan, refund khan aru tax education aru awareness thaki kena asey.
Itu review tey, ekta significant para itu State laga tax revenue bara laga highlight kurishey. Tatey purapuri tax collection toh hoiley FY 2024-25 tey ₹1,427.03 crore thaka para FY 2025-26 tey ₹1,597.51 crore uthijai kena asey, ₹170.47 crore bara laga register kuri kena. Itu Department para note kurishey ki, itu revenue tey bari jawa toh holey jawa saal para bhi bishi wala asey, kitya itu growth toh hoiley ₹68.05 crore hey thakishey.
Itu Department para seven key growth drivers identify kurishey, itu milestone khan achieve kuriboley nimitey: itu Department laga expansion aru restructure kuria laga, state-of-the-art IT infrastructure, ekta State Revenue Board laga constitution, training aru capacity building, tax compliance toh ekta people’s movement banai kena, ekta legal cell establish kuri kena aru basic conveyance aru accommodation support provide kuri kena, officer khan aru staff khan nimitey.
