New Delhi: Haryana laga Sapna Chaudhary, singer aro dancer toh Congress logode join hoise koikena khobor ola bechide tai para Congess logode join howah nai aro kondu political party nemidebe campaign nakoribo koise.
Khobor hesab deh Sapna Chaudhary toh jowah sal UPA chairperson Sonia Gandhi logode log koribole ja thakise aro tai para Congress nemide campaign koribole mon ase kowah thakise.
Saturday din News agency PTI para kowah toh, New Delhi deh Sapna Chaudhary toh Congress logode party leader Raj Babbar’s residence jaga deh join hoise. Aro Congress para Sapna Chaudhary ke toh Mathura para file koribo pari kowah thakise.
Hoilebe Sapna Chaudhary para etu khobor deh namani kena kowah toh, tai aro Congress leader Priyanka Gandhi Vadra laga photo toh ektum purana wala ase.
Lok Sabha elections toh seven phases deh lobole ase aro poll toh April 11 direk para suru hobo. Votes toh May 23 direk deh poribole ase.
Add Comment