August 24, 2026: Itu District Administration, Kohima para ekta programme organize kurishey, Appreciation laga Certification present kuriboley nimitey, NGO khan aru Civil Society Organisations (CSOs) khan ke, tai khan laga philanthropic activity khan laga recognition tey, itu 80th Independence Day celebration laga occasion tey, Kohima 21st August, 2026 tey.
Itu keynote address deliver kuri kena, Deputy Commissioner, Kohima, B. Henok Buchem, NCS para itu NGO aru CSO khan ke appreciate kurishey, tai khasn laga compassionate aru selfless service nimitey, komjuri aru disadvantage thaka section khan phaney, society laga. Tai para koishey, ki, Independence Day toh hoiley khali political freedom laga ekta celebration ekla nahoi, hoilebi itu toh hoiley, citizen khan laga responsibility khan opor tey reflect kuria laga bhi asey.
Itu Deputy Commissioner para koishey ki, komjur thaka manu khan ke service diya toh nation karney service diya eke asey, aru koishey ki, itu Seva laga spirit citizenship, solidarity aru shared responsibility reflect kurey. Tai para NGO aru CSO khan aru community organization khan laga role acknowledge kurishey, government effort khan complement kuria tey, particular para tai khan laga grassroot gyan khan through para aru komjur section khan tey punchiboley ability through para.
Tai para organization khan ke encourage kurishey, bhal para coordinate kuriboley, itu district administration logotey aru aru-bhi dangor convergence phaney kaam kuriboley koisehy, government scheme khan aru community initiative khan majetey.
Tai para continued focus nimitey koishey, itu bura-buri, disability manu khan, komjur bacha khan, poisa-taka para dikdar thaka parivar khan aru alag manu khan kun social exclusion opor tey.
Angami Public Organisation laga President – Thejao Vihienuo para tai laga special address tey, koishey, hosa kindness toh hoiley manu khan ke morom kuria toh asey, manu khan karney bhal kaam kuria toh asey, kun khan toh wapas eku diboley naparey.
Tai para itu NGO aru CSO khan ke appreciate kurishey, support extend kuria nimitey, ghor khan aru institution khan ke, itu privilege komti thaka manu khan ke serve kuriboley.
