New Delhi: Union Minister Uma Bharti logode Bharatiya Janata Party laga national president nemide junishe. Etu khobor toh Union Minister Jagat Prakash Nadda para janaideya laga ase.
Nadda para press conference deh kowah toh,”Uma para BJP president Amit Shah logode Lok Sabha elections deh contest nakoribo kowah karni party para tai logode BJP laga national vice president nemide junishe.
Drinking Water and Sanitation Minister Uma para Shah logode kowah toh, tai 17th Lok Sabha elections deh contest nakoribo aro tai toh party para kondu tusara kaam desh koilebe koribo”.
Uma parabe twitter deh tai toh party president Amit Shah logode election contest nakoribole janideya thakise. Tai para contest nakoribole letter deya toh Ganga laga banks deh pura samai dekan kaam kori thakibole aro BJP laga direction hesab deh election campaign toh kori thakibo nemide ase.
Bharti parabe tai toh namora tak politics para retire nahobo koise. Aro tai toh dukhi manu khan logode political right debo nemide kaam kori thakibo koise.
Tweet deh tai para kowah toh, “Prime Minister Narendra Modi toh desh laga head guard ase. Ami laga wish toh arobe Narendra Modi Prime Minister howah dekhibole mon ase.
Jowah sal December moina Bharti parabe political activities para olob break lobo kowah thakise aro tai Ram temple issue aro Ganga river sabha kora ke sai thakibo kowah thakise. Tai parabe etu time deh 2019 deh Lok Sabha polls deh contest nakoribo kowah thakise.
Add Comment