KOLKATA: Monday din te actor-politician Kamal Haasan toh flight loi kena Mamata Banerjee ke lok kuribole jaishe. Etu meeting toh election manifesto announce kura olop din pichete hoishe. Tai duijon toh Monday din te state secretariat te thaka Ms Banerjee laga office te lok kurishe.
Chennai chara samay te Mr Haasan toh etu meeting laga agenda opor te bishi kotha kura nai. Hoile bhi tai para etu kotha dishe ke meeting toh political ase.
Mr Haasan laga party Makkal Needhi Maiam (MNM) toh jua saal te suru hoishe. Aro tai laga party toh etu saal laga Lok Sabha elections toh Tamil Nadu aro Puducherry para elections te contest kuri ase. Hoile bhi Mr Hassan para tai etu elections te ally lagi se na nai etu opor te bishi kotha kuwa nai.
State te Mr Hassan toh bar bar ruling AIADMK aro opposition DMK khilaf te biya kotha kurishe. Sunday din te Mr Hassan BJP aro Prime Minister Narendra Modi khilaf te bhi biya kotha koishe. Tai para koishe ke BJP aro Prime Minister Narendra Modi ke koishe ke tai khan toh dhon (rich) manu khan laga guard ase kun garib manu khan ke ahibole rukhai thake.
Add Comment