Tirupati: Khobor hesab te Monday din te duita class 10 laga students khan murishe. Etu ghatna te dusra saatha etu te driver bhi jokom lok paishe. Etu accident huwa laga karan toh ketiya jai thaka gari toh olta (upside down) hoi jaishe. Etu ghatna toh Chittoor district laga Peddamandyam Mandal laga Kalicherla hamlet te thaka Gelasamvari palle bus stop te hoishe.
Peddamandyam SI M. Suresh Babu hesab te Kalicherla hamlet laga aatha students khan toh Qualis gari para jai thakishe. Etu bacha khan toh Peddamandyam te thaka exam centre te jai thakishe. Khobor hesab te gari laga driver toh dusra gari ke overtake kuribole laga kosis kura samay te control harai kena gari toh olta kuri dishe. Gari toh Jana Sena party laga elction campaign nimite engage kuri kena thakishe. Bacha khan para driver ke drop kuribole request kuri kena thakishe.
Murija bahca khan laga naam toh Srinivasulu (15) aro Ramachandra (15) thakishe. Police koioshe ke Srinivasulu toh spot te he muri jaishe aro tai laga classmate Ramachandra toh hospital te loi ja samay te muri jaishe.
Add Comment