RANCHI: Khobor hesab te Jharkhand laga ruling BJP toh Ranchi laga lawmaker Ram Tahal Choudhary logote para kotha namana samasiya lok pai ase. Party toh tai ke Lok Sabha polls laga ticket dibole mana kuribole genika ase.
Ram Tahal toh panch bar Lok Sabha member thakishe. BJP toh tai khan laga 14 Lok Sabha seats candidates khan para dosta (10) toh jua hafta announce kuri dishe.
BJP toh Ranch, Chatra aro Koderma laga nominees khan laga naam toh olop samay nimite rukhai rakhibole ase. BJp te thaka sources koishe ke sob teenta te thaka leaders khan ke tickets dibole mana kuridibole pare.
BJP toh olop samay agay te bhi Khunti jaga laga purana Lok Sabha Speaker Karia Munda aro Giridih laga Rabindra Pandey ke ticket mana kuri dishe. Karia Munda ke purana Chief Minister Arjun Munda para bodoli kuri dishe aro Giridih parliamentary seat toh NDA ally All Jharkhand Students Union (AJSU) party ke di dishe.
Ram Tahal para reporters khan ke koishe ke judi moi ke ticket toh mana kuri dile toh moi independent candidate hesab te larai kuribo. Ketiya kun manu bhi Jan Sangh logote melabole echa thaka nai, etu samay te moi Jan Sangh laga hissa thakishe. Moi laga political career te eku dagi nai. Sob Ranchi laga assembly constituencies te moi laga ristadar (relatives) khan ase.
Add Comment