Shillong, September 21, 2026: Yete Guwahati para Mankachar te jai laga night buses khan ke. Najane manu khan para hamla kurishe koishe. Etu toh Meghalaya laga Tikrikilla te ase koishe. Etu toh Sunday din laga 2am phane ase koishe. Yete kunba drivers khan ke jokhum kuri dishe aru Buses khan laga window glass khan bi bangai dishe koishe.
Reports khan laga hisab te. Buses toh Tikrikilla te jai homoi kunba najane manu khan para pathor khan phikaishe koishe. Taikhan hamla kuri kina kunba buses laga agea glass bia kurishe aru drivers khan bi jokhum hoishe koishe.
Enika hamla hoi kinabi. Drivers khan toh utu jaga para polaishe koishe. Aru Tikrikilla Police Station te punchishe koishe. Aru taikhan police khan khobor janai dishe. Yete taikhan ke hamla kuri kina polai jaishe koishe. Police khan khobor jani kina utu jagate phat punchishe koishe. Hoilevi utu manu khan toh polai jaishe. Yete Tikrikilla Police khan para Investigation khan suru kurishe koishe.
