Agartala, September 21, 2026: Yete rati te. Maiki khan laga hostel. National Law University Tripura (NLU Tripura) Te jamala hoishe koishe. Yete duita chokra khan hostel bitor te gushi kina students khan logote bodmas kuri thakhishe koishe. Yete University Authorities khan para police khan complaint kuri dishe koishe.
Aru Complaint laga hisab te. Etu jamala toh Friday rati te hoishe koishe. Yete duita youths toh maiki khan laga hostel te gushishe koishe nisha lagi kina. Yete para tate laga students khan ke bhui khilai dishe koishe. Kile koile etu manu khan toh bia kaam kuribole kushish kuri thakhishe koishe.
University laga Registrar, Dr Jayanta Dhar para Airport Police Station khan ke complaint likhi dishe koishe. Yete complaint laga hisab te. Police khan para case toh registered kuri dishe koishe. Etu duijun laga name toh Nirmal Banik. Tai toh Agartala laga Post Chowmuhani jagate thakhea manu ase koishe. Aru Srikanta Pal toh Joynagar te thakhea manu ase koishe.
