September 23, 2026, 7:02 PM: Nagaland State Biodiversity Strategy aru Action plan laga Revision laga dui-din laga workshop organize kurishey, NSSB para, TNCC & FES logotey associate thaki kena, Hotel Japfü, Kohima tey, 23rd September, 2026 tey, kuntu toh hoiley 24th September, 2026 tey khotom hoboley asey.
Principal Secretary, DEFCC, Chairman NSBB aru Development Commissioner, Y. Kikheto Sema, IAS para tai laga inaugural address tey mention kurishey ki, itu state laga biodiversity promote kuriboley aru bachai kena rakhiboley, moi khan toh hoiley charta C khan logotey shuru kuriboley lagibo: Sob manu bhi Cooperation, Coordination, Confidence, aru Contribution kuri kena.
Tai para itu Isor para sob banaishey koi kena share kurishey aru itu nimitey manu jaati ke responsibility dishey, it uke chulaboley aru itu sob ke care kuriboley. Itu nimitey, itu biodiversity, kuntu toh Isor para banaishey, jeevan ke support kuriboley aru khawa loa provide kuriboley it uke toh care kuriboley lagey aru bachai kena rakhiboley lagey. Nagaland toh hoiley bishi kismet bhal asey, ekta rich biodiversity thaka toh.
