Agartala, September 25, 2026: Khobor laga hisab te. Yete chutu bacha Adatiya Barman (15) Toh ‘Mandal’ President Shibendra Das laga ghor te jaishe koishe September 19 laga rati te. Etu toh ‘Vishwakarma Puja’ laga next din te ase koishe. Aditya toh dukhea family para ahishe koishe. Aru tai toh ‘Mandal’ laga ghor te kaam kurea koishe.
Hoilebi September 19 din te. Manu bishi laga agea para. ‘Mandal’ President laga chutu bhai Sankar Das toh. Achanak para Aditya ke marea suru hoishe koishe. Eku jawab nathakhi kinabi. Yete Aditya laga haat ekta bia kuri dishe koishe. Aru taike Bamutia Primary Health Centre te loi jaishe koishe.
Khobor hisab te. Archana Das toh ‘Mandal’ President laga maiki ase. Tai aru Dangor sister in lae para jai kina taila bhai para etu chokra ke ki kurishe. Jai kina sob koi dishe koishe. Aru tai parabi former BJP MLA Krishnadhan Das kebi jai kina complain kurishe koishe. Hoilebi eku action loa nai koishe. Aru taikhan laga manu para Aditya Barman laga ghor khan tebi kabza kurishe koishe. Yete taikhan laga family khan ke jai kina complain toh filing kuribole nadibo nimete.
