RANCHI: Khobor hesab te economist Jean Dreze aro dusra duita activists khan ke Jharkhand police khan pra dui ghonta nimite dhuri rakhishe. Tai khan toh “Right to Food” nimite kaam kuri thakishe. Tai khan nopor te inzaam lagaishe ke tai khan toh meeting toh nohudi kena kuri thakishe koishe. Activists khan para koishe ke police khan toh suruwat te koishe ke tai khan para kanoon biya kura nimite tai khan khilaf te case file kuribole ase. Tai khan ke olop samay pichete eku bhi charges nalagai kena chari dishe.
Mr Dreze para NDTV ke koishe ke tai ke khana aro pension laga haak (right) meeting nimite matishe. Etu meeting toh local non-profit khan para organize kuri kena thakishe. Etu meeting toh Jharkhand laga Garhwa district te Thursday fusur te hoishe.
Tai para koishe ke organizers khan toh dos(10) din agay te lekhi kena district administration logote para agiya (permission) hudi kena thakishe. Hoile bhi organizers khan administrations khan logote para eku jawab napa nimite meeting toh suryu kuri loi jabole fasla loishe. Etu falsa toh tai khan elections logote eku shida connection nathaka nimite loishe.
Mr Dreze para NDTV ke koishe ke judi manu khan toh shanty laga non-political meetings khan rakhibole eku adhikar nai koile toh democracy laga eku matlab nai.
Add Comment