Sydney: Khobor hesab te Jhye Richardson toh Cricket World Cup te hissa lubole laga sapna toh pura kuribole paribole ase. Scans para dekhaishe ke etu juwan Australian bowler laga khanda (shoulder) te hardi bhanga nohoile francture thaka laga eku sign nai koishe.
Sunday din laga dusra one-day international te Jhye Richardson toh tai laga overs laga khali adha overs he pura kuribole parishe. Australia toh Pakistan khilaf te Sharjah jaga te match toh kheli thakishe. Jhye toh boundary bachabole kosis kuri thaka samay te tai laga khanda (shoulder) toh biya kuri dishe.
Richardson toh Australia laga World Cup team laga hissa ase. Jhye toh Pakistan logote match kheli thaka samay te haath toh biya kuri diya nimite tai bachi kena thaka sob match toh bench te bhuhi kena he jaishe. Aro match pichete tai ke scans nimite wapas ghor te pothai dishe.
Thursday din te Australian mota team khan laga doctor Richard Saw para koishe ke scans para dekhaishe ke Jhye laga haath te norom (soft) tissue biya hoishe. Aro tai laga haath toh bhangia nai.
Tai para koishe kea mi khan bisas kuri ase ke Jhye toh surgery kuribole zarurat (require) nahubo. Hoile bhi tai toh aha hafta te khanda (shoulder) laga specialists ke lok kuribole ase.
Add Comment