Milan: Thursday din Turin te Cristiano Ronaldo toh aro olop tests khan kurishe. Ronaldo toh Juventus laga Champions League match Ajax khilaf te khelibole thaka nimite joldi bhal hubole ekdam kosis kuri ase. Ronaldo toh tai laga desh Portugal nimite international duty kuri thaka samay te tai laga thigh te ekdam jokom lok paishe.
Ronaldo toh Euro 2020 qualifiers te Portugal toh Serbia khilaf te kheli thaka samay te adha ghonta bhitor te tai laga thang nte jokom lok paishe. Potrugal toh Serbia khilaf te 1-1 para match toh draw hoishe.
Juventus koishe ke suruwat laga test Portugal te kura samay te Ronaldo laga right thang te olop jokom thaka dekhaishe. Juventus toh April 10 te hubole Champions League quarterfinals laga first leg match toh Ajax khilaf te khelibole ase.
Add Comment