Barcelona: Rhukhi thaka samay toh khotom hoishe. Fans khan para sob para goal mara laga trophy toh kun ke dibole lage etu laga fasla loi loishe. Barca history laga sob para bhal goal laga trophy toh Lionel Messi ke dishe. Etu trophy toh Lionel Messi para Getafe khilaf te Copa del Rey 2006/07 laga semi finals samay te marishe.
Competition laga final stage toh March 20 para suru kurishe. Etu samay bhitor te charta goals Barcelona para mari dishe. Etu charta goals te teenta toh Messi para marishe aro ekta goal toh Sergi Roberto para mari dishe.
Charta entries para Messi laga Getafe khilaf te mara goal toh total votes para 45 percent votes paishe. Copa finals te Messi para Athletic Club khilaf te mara goal ke 28 per cent vote paishe aro Bernabeu te Champions League te mara goal ke 16 per cent vote paishe.
Sergi Roberto para 2016/17 saal te Paris Saint Germain khilaf te mara goal ke 11 perect votes paishe. Etu nimite etu goal toh fourth te jaga banabole parishe.
Etu competition toh teen moina agay te suru kurishe. Aro etu competition laga 63 entries te 500,000 votes ahishe.
Add Comment