Dimapur, March 28: Etiya juliya Plate Group laga Round VIII, Womens Cricket Under 23 one day league te jowa kali Cuttuck, Orissa laga Ravenshaw University Ground te Nagaland pora Manipur ke 10 wickets pora haraise.
Pohoila bat korikena, Manipur maiki khan toh 32.4 overs te 44 runs marikena sob out hoise, tate Sheetal pora 3 wickets, Prinkya pora 2 wickets, Trishna pora ekta wicket aro Merensola pora 1 wicket loise.
Manipur nimite Kabia pora 15 runs pora sobse besi score korise. Chottu target ke khetai kena, Nagaland pora 12 overs te ekta bi out nahoikena khel khotom korise.
Pohoila Nagaland pora Meghalaya, Sikkim aro Pundecherry ke harise hoilebi Bihar aro Uttarkhand logote harise.
Nagaland toh etu bicchete Arunachal logote khilaf March 30 te khelibo.
Add Comment