IMPHAL, April 1: Lok Sabha election aagete, Manipur excise department pora Sunday te state excise department, Imphal laga compound bithor te Rs. 23.74 lakh daam laga daru phangaise.
Officials khan laga hisab te, etu phangai diya saman khan toh March 10 pora loikena Manipur nimite ECI pora Lok Sabha election laga direk janai diya bicchete yhuriya khan ase.
Media manu khan ke khobor korikena, excise laga deputy superintendent, Th Imo pora koise ki etu daru khan toh Imphal East ar West aro Thoubal district laga aalag jakka khan te raid koriya samoy te thuriya khan ase.
Etu logote milikena, 325 manu khan ke thurise aro etu logote milikena case bi lekhise aro thuriya manu khan ke fine lowa pora Rs 4,09,950 jamma korise, tai pora koise.
Etu deputy superintendent pora wada korise ki state te election toh shanti pora aro bhal pora election thakibo nimite, department pora 11 district level nodal officers aro 13 enforcement teams bonaise, etu team toh sob district nimite daru logote khilaf kam koribo nimite ekta team ase.
Etu department pora bi 10 check gate aro tai khan laga headquarters te ekta control room khulise. District level nodal officers, enforcement teams aro check gates khan laga kam ke hotai samoy sabo nimite 24×7 services bi bonai loise, etu deputy superintendent pora koise.
Add Comment