Imphal, October 28, 2026: October 27 din te. Manipur Police khan para Revolutionary People’s Front (RPF) aru People’s Liberation Army (PLA) laga member ke durishe. Etu toh Imphal East District te.
Etu durea manu toh Moiranthem Adita Singh (20) ase. Tai laga baba laga nam toh M. Premananda Singh ase. Aru taikhan toh Lamlai Awang Leikai te thakhea manu ase. Aru taike Criminal Investigation Department (CDO) aru 28 Assam Rifles khan mili kina Sawombung Khunjao ke durishe.
October 26 din te alak operation kurishe. Yete Churachandpur District Police khan 129 Battalion of the Central Reserve Police Force (CRPF) aru 5 Assam Rifles khan mili kina operation kurishe Kingkin Bosti te. Etu toh M. Songgel osor te ase Churachandpur District te. Operation kurea homoi te team khan para Buga bolero gari ke rukhaishe aru bisarishe. Yete taikhan foreign para bana laga AK- Rifle, MAI Rifle, alak alak 240 guli aru duita packets te 1.027 kg laga brown sugar bi paishe koishe.
Ekta manu Letkhothang Khongsai (23) ke durishe. Tai toh D. Lhangjol Bosti patra ase. Aru operation kurea homoi te taike durishe. Aru huda hudi kurea te. Tai toh Kuki National Front (Military Council), nahoilebi KNF (MC), etu group toh Suspension of Operations (SoO) agreement bitor te ase.
Manipur: Police khan para RPF-PLA manu ke durishe Imphal East te
