October 31, 2026, 8:42 PM: Kohima laga District Magistrate – B. Henok Buchem para sob opor opor nachulai kena ene thaka cable khan toh phat para hataidiboley koishey, infrastructure opor khan thaka toh, itu district bhitor tey.
Itu official para October 29, 2026 tey directive dishey, ekta final warning asey koi kena, telecom company khan, internet service provider khan, cable TV operator khan aru water supply agency khan ke, tai khan laga utility line khan nahoilebi face khan hataboley nahoiley strict penalty khan lagai dibo koi kena janaishey.
Itu notification toh hoiley poila laga order (Order No. DCK/REV/MISC-14/ 2025/402 B) ke reinforce kuria laga asey, kuntu toh hoiley November 21, 2025 tey issue kuria laga thakishey.
Itu administration para aru koishey ki, itu measure khan toh hoiley vital asey, public safety maintain kuriboley nimitey, itu city laga aesthetic khan improve kuria tey aru thik thak para urban infrastructure ensure kuria tey.
District Magistrate para safa para koi dishey ki, itu pichetey aru warning khan issue nakuribo, shida action hey loboley asey.
Kohima Laga District Magistrate Para Final Ultimatum Issue Kurishey: Opor Opor Tey Nachulai Thaka Cable Khan Pipe Khan Hataidiboley
