Christchurch, 3 November : Yashasvi Jaiswal New Zealand A laga khilaf second unofficial Test match te unbeaten 155 run bonai nijor batting form ghurai anise. India A second innings te 282 runs for 2 wickets score korise, aru match draw te khotom hoise. Jaiswal logot Yash Rathod bhi bhal batting kori unbeaten 100 run bonaise. Dui player majete 247 runs laga partnership hoise. Tour laga first three innings te Jaiswal 17, 5 aru 0 run korise, kintu itu innings te tai New Zealand laga seaming conditions bhal para handle korise. Upcoming India aru New Zealand Test series agey te itu century Jaiswal karone bishi important ase. Match te New Zealand A first innings te 424 run korise, aru India A 346 run korise.
Yashasvi Jaiswal India A karone unbeaten 155 run bonaise
