Varanasi: Tuesday din te police koishe ke Banaras Hindu University student ke manu khan motorcycle para ahi kena guli mari kena murai dishe. Etu ghatna toh student laga hostel bahar te hoishe. Khobor hesab te etu motorcycle para aha manu khan toh kun thakishe etu janibole napari kena ase.
Etu ghatna toh Tuesday saam te hoishe. Etu ghatna hubole samay te Gaurav Singh toh tai laga hostel bahar te tai laga saathi khan logote kotha kuri thakishe. Gaurav Singh toh university te tai laga masters loi thakishe aro Lal Bahadur Shastri Hostel te thaki thakishe.
Police officials koishe ke teenta manu motorcycle para ahe kena Gaurav Singh ke khula (open) para guli mari dishe. Etu teena manu toh hamla kura pichete polai jaishe.
Police khan para CCTV footage saa pichete charta aparaadhi (criminals) khan ke dhurishe.
Varanasi Cantt laga Circle Officer Anil Kumar Singh para koishe kea mi khan para etu ghatna te melia kena thaka chart manu khan ke dhuri loishe. Etu case toh tai khan majote dhusman thaka nimite murai diya laga ase.
Add Comment