New Delhi, November 5, 2026: Ekta 38 sal mota kun ekta rape case te register hoi kena ase Delhi te, tai ke wapas ahne she Abu Dhabi te para, Delhi Police, Interpol, Central Bureau of Investigation aro Home Affairs and External Affairs khan mele kena kam kurea piche, ekta official para enia koi she Thursday te.
Utu manu aga nam toh Sajeer Palli ase, tai toh Kerala te para ase, Abu Dhabi te para tai ke geraftar kure she, authorities khan para tai laga opor te ekta Red Corner Notice issue kurea piche, Special Commissioner of Police Devesh Drivastava para enia koi she ekta press conference te.
Police khan para koi she ki etu case toh ja sal October laga ase, kute etu manu toh ekta maiki laga opor te bea kam kure she ekta private company te kam kurea homoi. Company toh ekta complaint pa piche, Palli toh Abu Dhabi polai jai she January 5 te.
