Madrid: Tuesday din laga match te Atletico Madrid toh Girona logote para 2-0 para jeetishe. Etu match toh Atletico Madrid nimite home match thakishe. Atletico Madrid nimite match goals khan toh Diego Godin aro Antoine Griezmann para marishe. Etu jeet para Atletico Madrid khan nimite La Liga laga leaders Barcelone ke title nimite khedabole olop asha dishe. Etiya Atletico Madrid aro Barcelona khan majote aath points para anthar (difference) ase.
Captain Godin para Atletico khan nimite 76th minute te gol mari dishe aro etu goal toh Video Assistant Referee (VAR) laga modot para paishe. Etu goal toh olop samay agote Griezmann nimite offside de kena thakishe. Aro Griezmann para 90 par huwa pichete goal mari dekena Atletico Madrid ke Girona khilaf te jeetibole modot kurishe.
Atletico Madrid toh etu jeet nimite 62 points te uthi jaishe. Aro tai khan toh etiya Barcelona para aath points para nichete ase.
Add Comment