Agencies:Tuesday din laga Premier League match te Manchester United toh Wolverhampton Wanderers khilaf te 2-1 para harishe. Ole Gunner Solskjaer laga team toh Wolverhamton Wanders khan khilaf te hari kena FA Cup te hara toh dubara doharaishe (repeat). Etu har toh Manchester United laga defender Chris Smalling para nijor laga net te goal mari diya nimite hoishe.
Etu result nimite Manchester United laga team toh 61 points loi kena fifth points te nami jaishe. Tai khan toh Tottenham Hotspur para goal te antar thaka nimite pichete jaishe. Manchester United toh match chuli thaka samay te yellow card duita pa nimite dosta manu khan te komti hoi jaishe. Etu har para Manchester United toh top char te ahibole laga asha aro aha season te Champions League te qualify kuribole laga asha toh komti kuri dishe.
Etu result para aha hafta laga Champions League laga quarter final laga first leg match te Barcelona khilaf te thaka match opor te bhabana kuribole lagi ase.
Manchester United toh 57th minute te Ashley Young toh duita yellow card toh pai kena match para bahar hoi jaihe.
Wolves khan toh jua saal Championship para ahishe aro Premier League te tai khan etiya 47 points loi kena saath position te ase. Etu toh tai khan laga fans khan nimite ekdam sapna laga postion te ase.
Add Comment