Doha, 10 November : Indian shooters Esha Singh, Manu Bhaker aru Divya Subbaraju ISSF World Championships laga women’s 25m pistol team event te gold medal jitise. India laga team qualification round te total 1761 points collect kori first position secure korise. South Korea 1748 points logot silver medal aru Vietnam 1745 points logot bronze medal jitise. Esha Singh 590 points score kori India laga best performer hoise. Manu Bhaker 587 aru Divya Subbaraju 584 points contribute korise. Individual final te Manu Bhaker fourth position te finish kori medal olop pora miss korise, aru Esha Singh eighth position te finish korise. South Korea laga Yang Jiin world record score logot individual gold medal jitise. India team event te gold medal jitise, kintu women’s 25m pistol category te 2028 Los Angeles Olympics karone individual quota secure koribole paranai.
India laga mahila team ISSF World Championships te gold medal jitise
