Aizawl, November 11, 2026: November 10 din te. Officer khan para koishe ki. Mizoram Police khan para yete Foreign para bana laga Cigarette Rs 6.84 Crore laga durishe koishe. Etu toh State te 3da alak alak operation kuri kina 6 manu ke arrest kurishe.Yete Durea khan toh Champhai, Saitual aru Aizawl Districts te thakhishe. Yete duita operation drug tarika kurea khan aru alak toh Foreign laga cigarette smuggle kurea te kurishe.
First operation te. Police khan para Champhai District aga Zokhawthar-Melbuk rasta toh Myanmar Border osor te. Yete Monday din te gari te bisari kina 3.275 kg aga Methamphetamine Drugs durishe koishe. Etu toh Rs 2.62 Crore laga daam ase. Aru 145 grams laga Heroin paishe, etu toh Rs 29 lakh ase. Yete Driver toh Lathanvula (65) ase. Aru Passenger toh Sangkimi (58) ase koishe. Tai duijun bi Champhai laga Dinthar Veng te thakhea manu ase.
Aru alak operation toh Sunday te kurishe. Yete Saitual Police laga special team khan para Keifang te gari rukhaishe. Aru 733 grams laga Heroin toh 58 sabun daba te thakhi kina paishe. Yete durea saman khan toh Rs 1.47 Crore laga daam ase. Aru duita Assam laga Nagaon District te thakhea manu ke arrest kurishe. Tai duijun oh Johirul Islam (27) aru Guljar Hussein (19) ase. Aru Aizawl District Executive Force team khan para duita gari ke rukhaishe. Etu toh Monday rati te Seling Naka te kurishe. Yete Foreign laga 93 Master cases cigarette paishe. Etu toh Rs 2.47 Crore laga daam ase. Yete duita manu ke arrest kurishe. Singrothuami (51) toh Aizawl laga Edenthar Veng para ase. Aru Lalchamliana (30) toh Zokhawthar para ase.
Mizoram: Police khan Cigarette smuggle kurea laga Rs 6.84 Crore durishe
