GUWAHATI | April 4: Congress president Rahul Gandhi pora Wednesday te koise ki Prime Minister Narendra Modi led BJP government pora sob manu laga bank account te Rs. 15 lakh halibo laga wada koriya nai, tai pora koise ki Rs. 30,000 crore toh ekjun industrialist friend ke dise.
“Modiji toh 2014 te yaate ahise aro khobor korise ki sob manu khan laga bank account te Rs. 15 lakh dibo koise. Hoilebi, jowa panch saal te ek doka bi haliya nai. Etu toh misa thakise. Moi wada kori ase ki desh laga ekdam dukhiya manu khan majote 20 percent ke hotai saal Rs. 72,000 dibo. Etu daam toh ghor laga maiki khan laga account te halibo. Etu toh hosa kotha ase, moi khan misa nakoi,” tai pora Wednesday te Assam laga Bokakhat area te public rally te kotha koriya samoy te koise.
Tai pora bi sob manu khan ke Congress candidate ke jitibole vote dibi koise kile koile Assam laga bhasa, culture aro history ke RSS pora hamla koriya ke rukhaibo karne.
Randhi toh Congress laga sitting Lok Sabha MP Gaurav Gogoi nimite campaign kori thakise, kono toh tweita term nimite Kaliabar Lok Sabha seat pora khara koribole ase.
Add Comment