Regional

Manipur: NPCM khan para 24 hours State pura te Strike jai ase

Imphal, November 16, 2026: Native People’s Committee, Manipur (NPCM) khan Hill aru Valley Civil Society Organisations (CSOs) khan logote mili kina. 24 hours laga State pura te Strike jai ase koishe. Etu toh November 15 laga rati para November 16 tak. Etu protest toh kile kurea ase koile. Yete agea te charta  Naga manu ke murai dea nimete.

Sunday din laga press release te. NPCM para etu murai dea manu khan ke punishment dibole aru murea laga family khan kebi Condolences dishe. Committee khan para Manipur te Naga Community aru alak Indigenous Communites khan ke modot mangea ase, Nahoilebi etu te milibole matea ase.

Committee khan para koishe ki. Etu strike toh Jamala nishina protest toh organised kurea ase. Yete murea manu karne justice mangea ase. Aru Authorities khan ke action lubole janai dishe. Yete kile kurea ase koile. Yete aha homoi te aru enika jamala lok nakuribole nimete. Aru khobor laga hisab Etu strike toh 12 am para suru kuri kina. November 16 laga 12am tak thakhibole ase. Etu homoi te. Sob business kam, Dukan, Markets, Private Offices aru schools khan bon thakhibole ase. Aru State te gari khan bi aha ja kuribole nadibo koishe. Yete khali emergency nahoile. Hoillebi medical services, ambulances, Fire services, water supply, electricity, media aru alak emergency services khan ke toh maaf kuribo koishe.