Imphal, November 18, 2026: November 17 din te. Security Forces aru Police khan para Manipur te anti-narcotics Operation kurishe koishe. Etu toh duita alak alak operation kurishe. Yete 3da manu ke arrest kurishe. Aru 374 grams laga heroin durishe.
First Operation toh PGCI Police Station, CDO/Bishnupur aru Security Forces khan logote mili kina operation kurishe koishe. Yete taikan ekta lal Maruti Swift Gari ke shak hoi kina dukhaishe koishe November 17 din te. Yete gari te bisarea homoi te. Taikhan para 203 grams laga Heroin No.4 paishe. Aru yete manu ekta Md. Barul Alam (31) kebi arrest kurishe. Tai toh Thoubal District laga Lilong Haoreibi Turel Ahanbi te thakhea manu ase. Aru tai toh Lliyakat laga bacha ase.
Alak operation te. Anti-Narcotics Task Force (ANTF), Imphal East, The Central Reserve Police Force (CRPF) aru YADAM khan para duita manu ke arrest kurishe koishe. Etu toh Imphal East District laga Thiyam Konjil Sijin para. Yete team khan para 171 grams laga Heroin Powder paishe. Yete case toh registered kuri dishe aru investigation khan kurea ase. Yete duita operation para sob milai kina 374 grams laga Heroin drugs paishe aru 3da manu ke arrest kurishe.









