ITANAGAR, April 7: Lower Siang district te Friday din te konoba aanjan manu khan pora ekta BJP pandal toh jui te julaise.
Etu pandal toh BJP pora football ground te Saturday laga party rally nimite bonaise. Fire police khan na ahiya aagete jui pora pandal laga besi jakka toh julai dise.
BJP leaders khan pora koise ki etu harkat toh konoba political opponents laga kaam ase.
District BJP spokesperson Mikjom Taso aro aalag BJP leaders khan pora bi etu harkat ke bodnam korise aro koise ki ghor nahoile aalag bostu khan ke jui lagai diya toh Galo society te ekdam biya neum ase.
Senior police officials aro district magistrate toh etu jakka te jaise aro phat etu halat toh kabu kori loise.
Police pora koise ki tai khan 4:15 am nisina te etu khobor powa logot phat jui mudaibole manu khan bothaise. Police station te ekta case toh lekhise aro investigation toh juli ase.
Etu samoy te, BJP pora biya howa pandal toh bonai loise aro thik samoy te election rally koribole dayar kori dise.
Chief Minister Pema Khandu aro BJP laga Arunachal West MP candidate, Kiren Rijiju, pora etu rally te kotha koribole phabana ase.
Add Comment