Congress Toh Muslim League Logote Milikena Ase: Yogi Adityanath Assam Te

HOJAI, April 7: Uttar Pradesh Chief Minister Yogi Adityanath pora Saturday te bodnam korise ki Congress toh Muslim League logote milikena ase kono laga sobud toh Rahul Gandhi pora Kerala laga Wayanad Lok Sabha seat te nomination file koribole jowa samoy te green flag pora dekhise.

Rahul pora tai laga  nomination paper toh Wayanad pora Thursday te file korise, etu jakka te besi Muslim manu khan ase.

Rahul pora Wayanad te tai laga nomination file koribole jowa samoy te video toh besi pheli jaise. Etu video te ekta jakka te Muslim League laga green flag toh dekhise.

Assam te bi, Congress toh Badruddin Ajmal laga AIUDF logote milise, kono toh state te besi diktar laga karan  ase, tai pora koise.

Tai pora koise ki Modi laga nijete India toh duniya te ekta economic power karne olaise, tate UPA laga raj samoy te pohoila 11^th position pora 6^th position te othise.

Adityanath toh BJP laga Nowgong candidate Rupak Sarmah nimite campaign kori thakise.