AIZAWL, April 7: Mizoram Chief Electoral Officer (CEO) Ashish Kundra pora Saturday te koise ki ekta Lok Sabha Seat nimite 117 all women polling stations toh thakibo, etu ke maiki polling officials aro maiki security staff pora sabo.
Media ke kotha korikena, Kundra pora koise ki tai toh state laga districts khan te election laga dayari ke sabo nimite jaise aro pura dayari khan dekhi kena besi mon khusi paise.
Tai pora koise ki sob districts te electronic voting machines (EVMs) toh commission kora khotom hoise aro polling officials khan laga training laga third aro akhiri round toh Monday te khotom hobo.
Tai pora koise ki social media enthusiasts pora young voters club bona charikena pura state te 256 voters awareness forum bonaise.
Dur polling stations khan te jowa konoba polling parties toh nijor laga district headquarters pora Tuesday te olaibo, pajiya aalag polling parties khan toh Wednesday te jabo.
Tai pora koise ki kintoh central armed police force (CAPF) personnel laga choita companies toh anise, state laga bithor pora jamma korikena aro choita CAPF companies toh anibole ase.
Tai pora koise ki Lawngtlai district laga southern jakka te mobile network nathakiya jakka te wireless communication back-up dibole ase.
Etu CEO pora koise ki Lawngtlai district te khali ekta polling station ase, tate polling officials khan toh jahas pora jabole lagibo kile koile rasta pora jabole napare.
Add Comment