Football laga mahaan Pele France te chui din dhaki kena urinary tract infection laga treatment kuriya biche te Brazil te Tuesday wapas ahise. Teen bar World Cup chidiya manu France striker Kylian Mbappe logot te promotional event te ula biche te Paris private American hospital te dhakiya biche te Monday te discharged kurise. Brazil Sao Paulo-Guarulhos airport te ahiya biche te, 78 umar ke wheelchair pora loi jai kena van te dhali kena loi jaise.
“Aro, thank God,sob phla pora hi jaise. Moi zinda ase. Long live Brazil,” Pele pora boncha biche te koise.
” Brazilians aro hospital te madiya manu khan, moi ke operation karne madiya khan, moi ke joldi phal hobole nimede wish kuriya khan ke moi khushi bowa laga kodha jonai ase,” Tai pora aro koise.
Monday te Globoesporte.com site laga statement te koise, Pele pora koise tai laga condition toh “medical assistance aro surgery” laga zaruri hoise hoile bhi details toh aro kowa nai.
Tai discharged nahowa ake, etya laga Brazil star Neymar, Mbappe logot te Paris Saint-Germain karne khiliya manu, pora tai ke hospital te log kurise.
Neymar pora Pele laga hospital te taijun hat dhurikena hansa laga noksa khiji kena Monday te tai laga Instagram account te popst kurise.
Brazil laga G1 pora khobor dise ki Pele pora tai laga hospital pora saturdy ulai kena tai laga desh te wapas jabole plan kurise, hoile bhi aro tests lowa pora deri hoi jaise.
Bimar toh eman biya dhakiya nai aro under control te dhakise, Pele laga manu khan pora koise.
Pele logot te boila sal te lagiya daki khan bishi dhakise.
Enika bimar pora hi November 2014 te intensive care te dhalise.
2016 te, Pele, 1,363 professional matches khiliya khiliya, aro 1,281 goals diya manu,toh Rio Olympics laga frame jolabole pariya nai kintoh tia laga dhing bekhai dhakise.
Add Comment