PV Sindhu aro Saina Nehwal toh Singapore Open badminton tournament te tai tweijun laga campaign toh Wednesday te women’s singles first round te sitha jitikena shuru korise. Kintoh fourth seed PV Sindhu pora Indonesia laga Lyanny Alessandra Mainaky ke 21-9, 21-7 pora 27 minutes te haraise, Saina Nehwal pora Indonesia laga shuttler – Yulia Yosephin Susanto ke aaram pora straight games te 21-16, 21-11 pora haraise. Men’s singles te, Sameer Verma pora Thai shuttler Suppanyu Avihingsanon logote khilaf 21-14, 21-6 pora jitise aro HS Prannoy pora France laga Brice Leverdez ke 11-21, 21-16, 21-18 pora haraikena tai tweijun bi second round te jaise.
Rio Olympics silver-medallist Sindhu toh ahiya match te Denmark laga Mia Blichfeldt logote khilaf khelibo.
Saina, kono pora 2012 London Olympics te ekta bronze jitise, pora ahiya match te Mugdha Agrey aro Thailand laga Pornpawee Chochuwong laga majote kon jitibo tai logote khelibo.
Hoilebi, men’s doubles competition laga opening round te India nimite khel toh khotom hoi jaise.
Manu Attri aro B Sumeeth Reddy toh qualifiers te Singapore laga Danny Bawa Chrisnanta aro Kean Hean Loh logote khilaf 13-21 17-21 pora harise.
Saurabh Sharma aro Anoushka Parikh laga mixed doubles pair bi Thailand laga Dechapol Puavaranukroh aro Sapsiree Taerattanachai logote khilaf opening round te 12-21 12-21 pora harikena olai jaise.
Hoilebi, Pranaav Jerry Chopra aro N Sikki Reddy pora all-Indian contest te Arjun M R aro K Maneesha ke 21-18-21-7 pora haraikena mixed doubles second round.
Add Comment