Asian champion shot putter Manpreet Kaur ke National Anti-Doping Agency (NADA) pora 2017 laga dawai test fail howa nimite jar saal karne ban korise. Etu suspension laga samoy toh July 20, 2017 pora shuru hobo, NADA laga anti-doping disciplinary panel (ADDP) laga March 29 direk aadesh hisab te.
Tai logote Anti-Doping Appeal Panel laga aagete maafi janai dibo laga opai bi ase.
Manpreet toh Bhubaneswar te 2017 Asian Championships te jitiya gold haribole ase etu logote milaikena tai national record bi haribo kile koile etu panel pora fesla korise ki sample jamma koriya direk pora loikena tai laga sob competitive results toh na maanibo.
Manpreet toh 2017 te jarbar positive test paise. Pohoila wala toh April 24 te Jinhua, China laga Asian Grand Prix te, etu laga bicchete Patiala (June 1) laga Federation Cup te, Bhubaneswar (July 6) laga Asian Athletics Championships te aro Guntur (July 16) laga Inter-State Championships te. Tai pora etu sob meets te gold jitise. Tai pora Jinhua te 18.86m laga national record bonaise.
Jinhua Asian GP meet te tai toh steroid metenolone positive test paise.
India laga aalag teenta meets te, tai logote stimulant dimethylbutylamine laga test positive paise.
Add Comment