ITANAGAR:Hadsa te,Monday laga radi Lower Dibang Valley district te manu ekjun ke kari pora bicha kuriya biche te murai dise.
Etu manu toh Togeh Mepola dhakise aro tai laga sadi taijun personal chamela te larai kuri dhakiya toh tai laga sadi pora kari te bicha kuri kena etu manu logot te morai dise.
Khobor laga hesab te, Togeh, bhi AAPSU laga co-convenor (east) dhakise aro party worker, Asomi Linggi, logot te BJP laga MLA contestant laga khor te Roing constituency karne kodha kuri dhakiya, etu manu pora Togeh logot te phone kuri kena bahar te ulabole hudiya biche te etu hadsa toh hoise.
Twei baji morning te, Mepola khor pora bahar howa somoy te, Linggi pora khobor hesab te tai laga kari te bishi bar biche khetai se, aro etu jag ate hi moprai dise. Etu hadsa manu ke joldi district hospital te loi kena ahise,hoile bhi tai aniya somoy te pora hi muri kena dhakise koise.
4:30 am enika te Tuesday te etu hadsa manu laga kokei pora complaint kuriya biche te, police khan etu jag ate bonchise hoile bhi jag ate kon bhi dhakiya nai.
Etu case ke investigate kuriya officer (IO) Inspector SS Jha, pora koise ki suku pora dekhiya manu khan laga hat pora investigate aro statements khan lowa biche te, etu mariya manu aro tai pora mariya kari registration number AR-16-A-1001 manu aro kari ke dhurise koise.
“Postmortem loise aro bhitdor laga examination bhi loise. Suku pora dekha manu khan ke hudiya dhakise aro statements bhi record kurise,” tai pora koise.
Add Comment