ITANAGAR | April 13, 2019:Ekta achanak para huwa jhamela te Wagun, Nongtaw Khampti aro Wingseng Nangtaw polling stations para aha polling officials khan police personnel khan logote wapas aha time te tai khan berai thaka bus toh control harikena ulta hoishe nichete girishe .
Etu chamela toh 1 am nishena te hoishe etu time te passengers khan wapas ahi thakishe tai khan laga election duty khotom kurikena .Etu bus te thaka electronic voting machines (EVM) bi biya hoi jaishe .Etu chamela huwa pichede police khan etu jaka te jaikena jhokom huwa passengers khan ke hospital te luijaishe .
Namsai SP Ankit Singh koishe etu accident huwa toh rash driving nimete thakishe .Tai koishe etu driver toh etu garri laga control lost kurikena etu nichete nagira akhe jumped kurikena thakishe .
Singh koishe “Ami khan para etu driver ke thurishe aro ekta negligent driving laga case register kurishe “. SP para aro koishe ki EVM khan toh custody te loikena state election office te phutaidishe .
Etia tak ami khan kubole napareh etu EVM biya hoishe na nai kile koile toh experts khan hi kubole paribo etu machines khan dikhekena .Ami khan jawab toh etu EVM toh state election office te punchikena saa pichede hi janibo.
Add Comment