GUWAHATI | April 13, 2019: Friday din te election department officials koishe ki Friday din Assam te huwa Lok Sabha laga first phase polling te 78.23 percent manu vote dhalibole nimete ahise .
Aro kaliabor constituency te sobse bishi wala 82.09 per cent – polling thakishe . Tezpur te 79.15 per cent thakishe . Jorhat Lok Sabha constituency third te ase 77.26 per cent voting logote . Lakhimpur constituency te 74.81 per cent polling record thakishe .
Thursday te Polling toh 7 am pora shuru kurishe etu te 5 ta constituencies te 9,754 polling stations thakishe aro polling toh 5 pm te khotom kurishe .Officials khan para queue te thaka last manu ke bi vote dibole dishe .
Assam laga first phase polls te sob milaikena 76,03,458 eligible electorates thakishe .Etu te 37,37,970 female aro 154 third gender thakishe.
Assam laga five constituencies laga first phase karne 41 candidates khan se .Etu nimete Election Commission of India para 180 companies security personnel khan ke rakhise polling khan thik thak thakibole nimete 9,574 polling stations khan te .Etu ekla nohoikena komti hoilebi ekta constable ke rakhikena ase sob polling station te . Etu khobor toh Chief Electoral Officer laga officials khan koikena janaishe .
Add Comment