HISAR: Court para teenta manu khan ke jeevan pura jail te thakibole saaza dishe. Etu toh 2016 Jat quota agitation te 24 years laga mota ke morai diya nimite jail dishe.
Mintu Gujjar ke February 22, 2016 te firing ghatna te murai dishe. Mintu toh Lalpura bosti te thaka manu ase. Etu ghatna toh Hisar district laga Dhani Pal bosti te hoishe.
Additional District aro Sessions Judge D R Chaliya para Sisai bosti laga Daljeet, Sonipat laga Pawan alias Pona aro Dadri laga Surender alias Chhinda ke January 25 te dhosi (guilty) dishe.
Prosecution laga khobor hesab te Daljeet arop tai assistant khan arson, looting aro dusra kaam khan te meli kena thakishe. Etu toh Dhani Pal bosti te Jat reservation stir samay te ase.
Etu biya din te Gujjar aro tai laga bhai Krishan toh bosti te tai khan ghor manu ke lok kuribole ahi kena thakishe. Tai khan ke 70 genika manu laga mob mara hamla kuri dishe.
Bhai khan toh nijor ke bachabole kheti feni polai jaishe. Bhai khan opor te assailants khan para guli mari dishe. Aro dusra din te Gujjar laga body toh kheti para paishe.
Investigation pichete police para Daljeet, Pawan aro Surender ke Gujjar murder case nimite arrest kurishe. Gujjar ke murai diya manu khan khilaf te case register kurishe. Etu case toh alak alak Indian Penal Code aro Arms Act sections para register kurishe.
Add Comment