DELHI: Union Cabinet para Haryana, Rewari District laga Manethi te notun AIIMS bonabole approve kurishe. Etu bonabole laga daam toh Rs. 1,299 crore hubole ase.
Official statement te koishe, AIIMS te director laga ekta post banabole bhi approave kurishe.
Notun AIIMS te 100 UG (MBBS) seats aro 60 BSc (nursing) seats add kuribole ase. AIIMS te 15 para 20 super speciality departments hubo aro 750 hospital bisna ase. Aro AIIMS te emergency/ trauma beds, Ayush beds, private aro ICU speciality aro superspeciality bisna khan rakhibole ase.
Etu chari kena AIIMS te medical college bhi thakibo, Ayush block, night shelter, hostel aro dusra facilities te residential facilities bhi thakibo.
Statement te koishe notun AIIMS set up kura toh region te healthcare professionals laga shortfall te modot kuribole ase. Aro etu medical institute nimite bishi faculty aro non-faculty jobs generate kuribole modot kuribo.
Add Comment