Kohima, August 31: Nagaland Wrestling Association (NWA) pora 7-member toh 3rd World Nomad Games 2018 de thakibole ase. Tai khan Indian National Team laga pethor de hesha lobule ase. Etu khel toh Kyryzstan jaga de suru hobole ase. Nagaland Wrestling Association (NWA) pora 5-wrestler aro 2 officials toh Indian National Team pethor de thaki kena khel de hesha lobule ase. Etu 5 wrestlers toh Vechita Khesoh, Keduovilie Zumu, Venuzo Dawhuo, Visedelhou Chusi aro Neiphretuo Zhunyu ase. official team India laga part de NWA president Neivikuolie Khatsu aro general secretary Vekhozo thakibole ase. 5 Naga wrestlers toh 25-member Indian contingent laga part de ase aro tai khan toh Belt Wrestling event de hesha lobule ase. Friday din Indian contingent toh IG International Airport pora Kyrgyzstan jaga de Janise aro tai khan September 10 de korai-aihebole ase. Khel phal pora kothom hobo karni NWA pora Nagaland manu khan ke janaideya toh, NWA team logode alag-de aro Indian contingent logode general de prathana koridebe koi-kena janaise.
Add Comment