Colombo: Sources koishe ke Wednesday din Sri Lanka laga capital Colombo laga downtown jaga te bomb paishe. Etu bomb toh Sunday te huwa blasts para desh pura ke shock kurai diya pichete paishe.
Shopping mall laga local security guard hesab te bomb toh motorbike te lokai kena thakishe. Kismat bhal hoishe ke kun manu bhi eku bhi huwa nai. Security guard para he etu sob toh dekhishe.
Tai para koishe ke ekdam fusur choi bagi (6am) te police ahi kena hudishe aro army khan ahi kena bomb toh saishe.
Local police officers khan bomb toh rukhaishe aro motorbike toh loi jaishe.
Etu aki din Sri Lanka nimite China laga ambassador Cheng Xueyuan para blasts te Chinese citizens khan jokom huwa manu khan laga latest situation koishe.
Chinese ambassador para Chinese media ke koishe etiya tok te ekta Chinese citizen murishe aro dusra charta manu toh muri kena thakibole bhoi ase, aro ekta haraishe aro dusra panchta (5) manu khan jokom hoishe.
Add Comment