SEOUL: Friday te Pyongyang laga state media koishe North Korean leader Kim Jong Un para US opor te inzaam lagaishe ke tai khan Vietnam Summit opor te biya faith dekhaishe. Etu kotha toh North Korean Leader para Russia laga Vladimir Putin logote thaka summit te koishe. North Korea para etu kotha toh Moscow laga saath paija pichete koishe.
Kim aro Putin toh Thursday din te lok kurishe. Tai khan toh Russia laga ekdam dur te thaka eastern Russian port Vladivostok te lok kurishe. Etu toh tai khan laga sob para poila summit thaishe.
Notun duniya laga flashpoint te Moscow ke agay te rakhibole Putin toh ekdam kosis kuri thakishe. Aro dekha hesab te Kim toh Putin ke agay kuribole ekdam kosis kuri thakishe. Etu kotha toh KCNA para koishe.
Putin toh international guests logote meetings deri kura nimite jane. Hoile bhi Putin toh tai laga limousine para Kim nimite rukhi thakishe. Aro duita leaders toh ekjon-ekjon ke ekdam khushi para greet kurishe. Duita leaders toh Vladivostok island te panch ghonta genika meeiting loishe.
Official Korean Central News Agency koishe ke kotha kuri thaka samay te Kim koishe Korean samasiya toh rukhi kena ae aro ekdam nazuk (critical) samay te pungchishe.
Add Comment