Thursday din te Assam Police khan para ekta self-styled healer Ghanshyam Das ke thurishe .Etu bi Guwahati laga 16 sal maiki ke rape aro bacha bukhai diya nimete.
Khobor te janaa hisaab te etu maiki toh Uzan Bazar area te ekta family laga ghor te maid laga kaam kuri thakishe .
Etu hadsaa janaa toh etu victim beemar hoikena Apollo Hospitals te ekta bacha ke jonom diya pichede janise.
Juwa sal etu family khan para etu nakli self styled godman ke matishe tai khan laga ghor te ritual kuribole nimete .
Etu manu para koishe etu maid ke evil spirit para possessed kurishe koikena janaishe aro family khan ke ekta ritual kuribole nimete koikena janaishe.
Hoilebi etu family khan para arrangement kura pichede alag ekta room te etu nakli godman manu khan para Babaji mata toh tai ke rape kurikena charikena jaishe.
Etu victim para etu family khan ke etu hadsaa laga khobor toh bacha paa pichede hi kurishe .Etu crime toh akhe wala 181 Women Helpline to Miguel Queah, Support Person (POCSO), Child Welfare Committee, Kamrup (M) aro Child rights nimete kaam kura NGO UTSAH, laga executive director ke pohila koishe .
Etu Child Welfare Committee khan para Satgaon Police POSCO Act laga section 6 bithor te FIR lodge kurishe .Police khan para etu pichede etu nakli godman ke thurishe kun polai thakishe etu victim para bacha ekta ke jonom dikena .
Police khan hosa ase na misa ase janibole nimete DNA profiling jabo.Tai khan chan bin kuri ase aro bi aro witness khan ke bi kotha khan kuribo.
Etu self styled healer police khan kuwa hisaab te Guwahati te Thursday din hudai ahe aro tai Baksa te bui thakeh.
Add Comment