BHUBANESWAR: Tropical Cyclone Fani toh Friday din te eastern India te ahishe. Etu toofan nimite ghas khan bishi gerishe, powerline khan biya hoishe aro dusra bishi jaga te saman khan biya kuri dise. Etu sob toh Puri town te hoishe. Etu nimite bishi lakh manu khan ke jaga toh khali kuribole dishe. State para chola India Meteorological Department (IMD) koishe Bay of Bengal laga northern jaga te napungcha agay te cyclone toh bishi din power juma kurishe. Friday fusur 8am te Odisha state te cyclone Fani toh ahishe.
Cyclone Fani laga raftar (speed) toh 200 kph ase. Aro etu nimite ghas khan bhi mati para olai dishe, aro baris bishi huwa nimite rashta khan eku bhi dekhibole para nai. Aro state capital Bhubaneswar aro Puri laga rashta te manu khan toofan aha smay te oola nai.
Puri jaga te toofan para saman khan bishi biya kuri dishe, power supply, telephone lines khan bhi disturb hoishe. Odisha laga Special Relief Commissioner Bishnupada Sethi para news agency Reuters ke koishe samundar osor te thaka Hindu mandir thaka town toh toofan para direct marishe.
Cyclone tyracker Tropical Storm Risk para 1 para 5 number te cyclone Fani ke shaktishali category te char number te rakhi ase. IMD koishe ke toofan toh komjor hoi ase.
Authorities koishe Odisha te cyclone Fani nimite schools aro colleges khan bhi bon kuri rakhishe. City te thaka major hospital te bhi ekdam bhari damage aro nuksan lok paishe. Hoile bhi sob patients aro staffs khan toh surakshit ase.
Government authorities koishe choiso (600) para bhi bishi pregnant maiki khan ke surakshit jaga te loi jaishe. Aro 500 nisina ambulances khan toh rukhai kena ase. Aro 242 medical institutions khan ke power back-up dishe.
Government minister koishe north te thaka Bangladesh te authorities khan para saatha coastal districts te thaka 500,000 nisina manu khan ke pani jaga osor para hatabole suru kurishe. Bangladesh te toofan toh Saturday te maribole ase.
Add Comment