IMPHAL | May 3, 2019: Indian Navy, NDRF, SDRF, firefighters aro local volunteers khan milikena paanch din nishena search operation kura pichede tai khan para harijaa tourist tinta te ekta tourist laga body paishe.Etu tinta tourist toh April 28 te harijaa thakishe etu bi tai khan berai thaka duita makeshift boat toh Maphou Dam reservoir te ulta hoijaa pichede huwaa ase .
Etu hadsaa huwa jaka para 100 metres nishena akhe jaikena Chadong village te etu body paishe. Etu dam laga osorte etu basti khan ase aro etu te thaka manu khan para etu search operation khan kuri thakishe day one para .
Etu basti te thaka manu khan toh make shift boat chulaikena aro Local made hook toh niche de kuridikena paani para olaidi thakishe.Thursday din 3 pm nishena te etu basti te thaka search party khan para body toh oladishe hook te phasijaikena .
Wednesday din te Indian Navy laga 15 deep divers khan NDRF, Manipur Fire Services khan logote chan bin kurishe .Thursday saam Imphal te Navy team khan punchise IAF aircraft para tai khan laga diving equipment logote Sonar Technology bi thakishe .
Etu state of the art technology thakikena bi etu search teams khan dikdaar pai ase weather nimete .Aro janishe ki divers khan paani bithor te 15 minutes para uporte buibole napareh kile hoishe koile etu laga temperature toh 5 degree Celsius nichete thaga nemide .Etu ekla nohoikena etu daam bona nimete etu search operations khan dukh pai thakishe .
Etu operation laga coordinator AK Ranjit koishe tai khan kosish kuri ase bishi wala area khan cover kuribole nimete aro etu nimete etu paani laga surface sabole karne ekta helicopter chulai ase .
Tai aro koishe etu bachikena thaka duita harijaa manu laga body toh joldi bisaribole ase .
Add Comment