Thursday rati Assam Hojai district te Government Railway Police (GRP) khan para Lumding Railway station te hudai nishena chan bin kura time te duita maiki laga haath para komti hoilebi 49,98,000 cash paishe .Etu toh Thursday saam 8pm nishena te paishe etu duita maiki 15665 UP Dimapur BG Express train para berai thaka time te.
Aro bi railway police khan para ekta 60 sal maiki Gayatri Halder, kun Mohan Haider laga maiki ase etu ke thurishe .Aro dusra maiki khan laga naam toh Arati Halder, 55 sal aro Jantu Halder laga maiki ke bi thurishe .
Etu duita thura maiki toh West Bengal Cooch Behar station bithor te thaka Fasitola village para ase .Chan bin kura time te etu duita maiki koishe ki tai khan etu cash toh Cooch Behar para Lumding te ani thakishe.
Etia Thursday rati Lumding railway station te poisa paa nimete Lumding GRPS case no 15/19 u/s 379 IPC bithor te case registered hoishe. Etu duita maiki ke bi court te luijaishe Friday te. Etia CDR analysis kuri ase etu poisa kinika ahise aro kut para ahise janibole nimete.
Add Comment