IPL: Mumbai Indians Pora Sunrisers Hyderabad Ke Super Over Te Harai Dise

Tweita team pora bhi eki 162 run pai kena khotam howa biche te super over dhakise aro etu te  Mumbai Indians pora SunRisers Hyderabad (SRH) ke hari dise. Manish Pandey pora last ball te six mari kena match ke super over dhakibole karne ake te loi jai dise aro SRH laga pohila batting pora eight run karne tweita wickets harai dise, aro Mumbai Indians ke match chitibole karne nine-run target rakhi dise. Olap ake te, SunRisers Hyderabad (SRH) openers Wriddhiman Saha pora Mumbai Indians laga khelaaf te 162 runs ke khetai kena suru hoise. Saha toh fourth over te 40 dhakiya somoy te out hoise. Martin Guptill bhi Jasprit Bumrah ke sixth over te out hoise. Skipper Kane Williamson bhi ektam aram pora harise. Eu biche te, Manish Pandey aro Vijay Shankar pora milai kena sob wapas ani dise. Pandey ke Mohammad Nabi mili kena eksat te etu game ke super over te bonjai dise. Olap ake te, Mumbai Indians laga leader Rohit Sharma pora SunRisers Hyderabad ke khilaaf laga toss chitise aro bat chunise.