WASHINGTON: Sources koishe ke 35 saal thaka Pakistani-American national ke FBI khan para geraaftar kurishe. Geraaftar huwa manu toh Pakistan para ahi thakishe. Etu manu toh duita UN-proscribed attanki groups ISIS aro Jaish-e-Mohammed (JeM) khan logote contact te thakishe.
Waqar Ul-Hassan ke Tuesday din te North Carolina laga Charlotte Douglas International Airport para geraaftar kurishe. Waqar Ul-Hassan toh US citizen ase. Waqar toh age 15 te America te move kurishe.
Pakistan-based JeM chief Masood Azhar toh UN para May 1 te duniya laga attankwadi hesab te naam dishe.
Hassan ke 2015 saal te missa laga kotha bana nimite geraaftar kurishe. Hassan toh attanki groups khan logote contact opor te missa koishe.
Judi court para tai ke doosi paishe koile Hassan toh aatha saal laag jail pabo koishe.
Court documents hesab te 2014 saal te Federal Bureau of Investigation (FBI) para Hassan toh attanki groups khan logote contact thaka khobor paishe.
FBI logote interview thaka samay te Hassan para attankwadi khan logote contact thaka mana kurishe.
Add Comment